|
საქართველოს
ტექნიკურ უნივერსიტეტში ყოველთვის მნიშვნელოვანი როლი ენიჭებოდა
არქიტექტურული განათლების პროცესის დაახლოებას რეალურ ცხოვრებათან.
ამიტომაც სტუდენტები განათლების პირველივე წლებიდან ინტენსიურად არიან
ჩართული პრაქტიკულ საპროექტო საქმიანობაში, რაც მნიშვნელოვნად არის
განპირობებული ჩვენი ქვეყნის მიერ გაცხადებული საერთაშორისო დონის და
მასშტაბების შესაფერი სააღმშენებლო კურსით.
სტუდენტთა პროფესიულ წარმატებებს ძალზედ უწყობს ხელს ის საერთაშორისო
კავშირები, რომელიც ჩვენს ფაკულტეტს უცხოეთის, მათ შორის გერმანიის,
საფრანგეთის, იტალიის, ბულგარეთის, თურქეთის და ჩვენი უახლოესი
მეზობელი ქვეყნების მოწინავე არქიტექტურულ სკოლებთან უკვე ოთხი ათეული
წელია გააჩნია.
ფაკულტეტზე განსაკუთრებული ყურადღება ეთმობა საინოვაციო, დარგთაშორისი
საგანმანათლებლო პროგრამების დანერგვას. ამის მკაფიო მაგალითია
სტუდია–სახელოსნო ”არქიტექტურის პოეტიკის” მოღვაწეობა, რომელიც
დამოუკიდებელ, აკადემიური სასწავლო ფორმატის ალტერნატივას წარმოადგენს.
1997 წელს არქიტექტურის პოეტიკა, როგორც ახალი ხედვა, არქიტექტურის
საერთაშორისო აკადემიამ აღიარა. ეს მიმართულება დაარსებიდან დღემდე
მნიშვნელოვან გავლენას ახდენს სტუდენტთა მხატვრულ აზროვნებაზე და ხელს
უწყობს სასწავლო პროცესის წარმატებას.
ჩვენს ფაკულტეტზე ფუნქციონირებს არქიტექტურული ფიზიკის და მულტიმედია
(კომპიუტერული) პროექტირების, აგრეთვე მდგრადი განვითარების
არქიტექტურის ლაბორატორიები. უწყვეტი პროფესიული განათლების და
არქიტექტურული განათლების ხელისშემწყობი ცენტრები. ფაკულტეტს გააჩნია
უნიკალური არქიტექტურული წიგნებითა და ჟურნალებით დაკომპლექტებული
ბიბლიოთეკა. მთლიანად არქიტექტურის, ურბანისტიკის და დიზაინის
ფაკულტეტის სალექციო–სასწავლო აუდიტორიებს და დამხმარე სათავსებს 3000
კვ.მეტრზე მეტი ფართი უკავიათ, რაც გამორჩეული ინდიკატორი გახლავთ ერთ
სტუდენტზე გადაანგარიშებით.
ჩვენი არქიტექტურული სკოლის სტუდენტებსა საერთაშორისო კონკურსებში
მნიშვნელოვანი წარმატებები გააჩნიათ. მოყოლებული 1960 წლიდან დღემდე
რამოდენიმე ათეულმა ჩვენმა სტუდენტმა მოიპოვა მთავარი ჯილდო ასეთ
კონკურსებში და ეს ტრადიცია, რომლის რეალური საფუძველი, სტუდენტთა
ნიჭიერებასთან ერთად, ფაკულტეტის პროფესორ–მასწავლებელთა პროფესიული
ცოდნის საერთაშორისო დონეა, დღესაც წარმატებით გრძელდება.
ჩვენი არქიტექტურული სკოლის ავტორიტეტის ამაღლებას ხელს უწყობს ის
ფაქტიც, რომ მსოფლიოს მრავალი აღიარებული არქიტექტორი არის ჩვენი
ფაკულტეტის საპატიო პროფესორი (Professor Honoris Causa). ესენი
ბრძანდებიან: კიშო კუროკავა (იაპონია), ბერნარდ ვარნიე (საფრანგეთი),
რიჩარდ ინგლენდი (მალტა), ვიქტორ ვლადიმიროვი, ალექსანდრე კუდრიავცევი
და ილია ლეჟავა (რუსეთი), გიორგი სტოილოვი (ბულგარეთი), ვარაზდატ
არუთუნიანი და ჯიმ ტოროსიანი (სომხეთი), ედგარ კნოპი, ჰელგე ბოფინგერი,
კარლ ციგლერი, ჰანს დენჰარტი, ეკეჰარდ ჰანგარტერი და იოსტ შრამი
(გერმანია), იუსტუს დაჰინდენი (შვეიცარია), იან ბოჩანი (ჩეხეთი). |
|
2013 წლის 4-8 მარტს
არქიტექტურის, ურბანისტიკისა და დიზაინის ფაკულტეტმა უმასპინძლა
შვეიცარიის დედაქალაქ ბერნის გამოყენებითი მეცნიერების უნივერსიტეტის
5 სტუდენტისა და მათი ხელმძღვანელისაგან შემდგარ ჯგუფს, რომლებიც
ჩვენს ორ უნივერსიტეტს შორის არსებული ხელშეკრულების საფუძველზე
იმყოფებოდა თბილისში. |
|
| |
ა2013
წლის 22 მარტს
საგანმანათლებლო პროგრამა „ამერიკული არქიტექტურის პარადიგმები“- ს
ფარგლებში, რომელიც ამერიკის შეერთებული შტატების საელჩოს მხარდაჭერით
ხორციელდება, სტუ-ის არქიტექტურის, ურბანისტიკისა და დიზაინის
ფაკულტეტმა უმასპინძლა ამერიკელ არქიტექტორს ბერნჰარდ კარპფს (Bernhard
Karpf), რომელიც საყოველთაოდ ცნობილი არქიტექტორის, პრიცკერის პრემიის
ლაურეატის რიჩარდ მაიერის პარტნიორია
(Richard Meier & Partners Architect). |
|
